Regionun biznes imkanları

Lənkəranın əlverişli subtropik iqlim şəraiti, məhsuldar torpaqları, su və kifayət qədər əmək ehtiyatları burada kənd təsərrüfatının müxtəlif sahələrinin və emal müəssisələrinin inkişafı üçün imkanlar yaradır. Tərəvəzçilik, çayçılıq, çəltikçilik, heyvandarlıq, sitrus meyvəçiliyi, arıçılıq, balıqçılıq və taxılçılıq rayon iqtisadiyyatının  aparıcı sahələridir.

Rayonda 996 hektar çay plantasiyası,  çayın ilkin emalı ilə məşğul olan 5 çay fabriki və 1 çay bükücü fabriki vardir. Çay plantasiyalarını suvarılması üçün su tutumu 55 milyon m3  olan Xanbulançay su dəryaçasınln və stasionar suvarma şəbəkələrinin xidmətlərindən istifadə olunur. “Havzava”, “İstisu”, “Tükəvilə” istehsal kooperativləri və “İslam Tağızadə” kəndli fermer təsərrüfatı biləvasitə çayçılıqla məşğul olur.  Rayonda çayçılığın dinamik inkişafını təmin etmək məqsədi ilə bu sahəyə investisiya qoyuluşuna, nümunəvi çay sahələrinin və tinglik təsərrüfatlarının yaradılmaşına başlanmışdır. Rayonda çayçılığının inkişafına  “Azərsun Holdinq” və “Beta” şirkətləri sərmayə qoyur. Eyni zamanda çayçılığa daha böyük sərmayə qoyuluşuna ehtiyac vardır.
Sitrus meyvəçiliyi Lənkəranda sürətlə inkişaf etməkdədir.  Hazırda rayonda 3000 hektardan artıq şəxsi təsərrüfatda  naringi, portağal, kinkan, limon,  feyxoa, kivi, xirnik və digər sitrus  meyvələri yetişdirilir. Xüsusilə,  dağ-ətəyi ərazilərdə bu sahələrin daha da genişləndirilməsinə, sitrus- meyvə şirələri, cem və mürəbbə hazırlanması üçün müasir tipli  emal  müəssisələrinin yaradılmasına ehtiyac vardır.
Lənkəranda tərəvəzçiliyin inkişafı üçün potensial imkanlar vardır. Aqrar islahatlar nəticəsində 15500 hektar əkinə yararlı sahə 130 min 700 nəfərə torpaq payı kimi vətəndaşların mülküyyətinə verilmişdir. Hər il rayonda100.000 tondan artiq  faraş kələm məhsulunu istehsal edib tələbat olan Rusiya Federasiyasına və MDB ölkələrinə göndərilmək imkanları  vardır.

Rayondakı Dövlət toxumçuluq təsərrüfatı və Zona təcrübə təsərrüfatı  kənd təsərrüfatı məhsullarının elmi əsaslarla yetişdiriməsinə  xidmət göstərir.
Tərəvəz , meyvə və sitrus  məhsullarının emalı ilə "Çinar" və "Vita" firması, "İbrahim" KO-LTD, "Digah" MMC, "Ş-Mari", "Optimal", "Real", "Maz", "MQ", "Ümman" müəssisələri məşgul olur. Bu müəssisələrdə tomat pasta, xiyar marinadı, qazlı sular və s. müxtəlif çeşidli məhsullar istehsal olunur."Pal-Süd" MMC  süd məhsullarının emalı sahəsində nümunəvi müəssisə olmaqla yanaşı Lənkəran regionunda heyvandarliğın inkişafına yeni təkan vermişdir.

Hazırda rayonda 2000-dən artıq özəl kiçik və orta sahibkarlıq subyekti əhaliyə xidmət göstərir.Ümumi məhsul istehsalında özəl sektorun payı 81,2 faiz təşkil edir.

Lənkəranın füsunkar təbiəti, zəngin flora və faunası, Xəzər dənizi,,  Hirkan Milli Parkı , Qızılağac qoruğu, Xanbulançay dəryaçası, tarixi abidələri,  ləziz mətbəxi və burada son illər tikilib istifadəyə verilmiş Olimpiya İdman Kompleksi, “Qala” oteli, Qafqaz sahil oteli, Dəniz Limanı, meşəlik ərazidə yerləşən “Xanbulan”, “Bəşəru”, “Palıdlı Sahil”,  və digər bu kimi istirahət mərkəziləri  regionda  turizmin inkişafı üçün geniş imkanlar açır.Həmçinin, xəzərin sahilyanı zonasında və rayonun dag ətəyi ərazilərində xüsusilə,  müalicəvi əhəmiyyəti təbii bulaqları olan Haftoni və İsti-su qəsəbələrində turizm komplekslərinin tikintisi və ekoturizmin inkişaf etdirilməsi üçün əlverişli imkanlar vardır.